Indi, zjarr në një spital për pacientë me COVID-19, raportohet për 13 viktima

Zjarri që ka rënë në një spital ku trajtoheshin pacientë të infektuar me COVID-19 ka lënë pas të paktën 13 viktima gjatë ditës së premte, teksa India po përballet me shifrat më të larta që prej fillimit të pandemisë.

Sipas një zyrtari nga spitali “Vijay Vallabh” shkaktar për zjarrin ka qenë një shkëndijë tek impiantet e ajrit të kondicionerit ndërsa flakët janë shtuar si pasojë e prezencës së lartë të sasisë së oksigjenit në pavijonet e terapisë intensive.

Ky është incidenti më i fundit në një prej ambienteve spitalore të Indisë, ndërsa të mërkurën 22 pacientë me COVID-19 humbën jetën pas shterimit të oksigjenit në rezervat e bombolave të oksigjenit.

Autoritetet shëndetësore në veri dhe perëndim të Indisë, përfshi dhe në Nju Delhi, thanë se gjenden në mesin e një krize të madhe si pasojë e mbingarkimit të spitaleve dhe mungesës së oksigjenit.

India regjistroi 332.730 raste të reja gjatë së premtes, shifër rekord për ditën e dytë radhazi.

Lexoni gjithashtu 

• 314 mijë të infektuar në një ditë, India thyen rekordin e rasteve ditore me COVID-19