Rritet kostoja e jetesës në Shqipëri, inflacioni mbi normë

Kostoja e jetesës së shqiptarëve gjatë vitit 2022 do të rritet sipas parashikimeve të Bankës së Shqipërisë për normën e inflacionit.

Guvernatori Gent Sejko, tha se ndikim do të ketë inflacioni i lartë, që gjatë këtij viti do të jetë mbi objektivin prej 3%.

Sejko theksoi se norma e inflacionit do të rikthehet në normalitet vetëm gjatë vitit 2023.

“Inflacioni në vend shënoi një rritje të shpejtë gjatë tremujorit të katërt, duke arritur vlerën 3.7% në muajin dhjetor”, tha Sejko.

Inflacioni është i pranishëm në çmimet e thuajse të gjithë artikujve të shportës së konsumit.

Gjithashtu rritja e inflacionit u diktua nga rritja e çmimeve të ushqimeve të përpunuara dhe të naftës.

Guvernatori tha se paga mesatare u rrit me 6.9% në nivel ekonomie dhe me rreth 8% për sektorin privat.

Nga ana tjetër, Sejko u shpreh se norma e papunësisë është ulur në 11.3%.

Sipas të dhënave të INSTAT-it, ekonomia shqiptare u rrit me 10.4% gjatë tre tremujorëve të parë të 2022.

LEXONI GJITHAHTU:

194 lekë për litër, nafta në Shqipëri sa në Zvicër