Instagram në kërkim të opsioneve për verifikuar moshën

Të enjten, platforma sociale Instagram njoftoi se po teston opsione të reja për përdoruesit për të verifikuar moshën e tyre, duke filluar nga njerëzit në Shtetet e Bashkuara të Amerikës.

Instagrami po teston dy mënyra të reja për të verifikuar moshën e një personi, shkruan Euronews.

Një mënyrë janë video-selfie, nëpërmjet së cilës mund të idetifikohet mosha e një personi nga pamja.

Një mundësi tjetër është që njerëzit të zgjedhin tre ndjekës të ndërsjellë për të konfirmuar moshën e përdoruesit dhe personi që garanton duhet të jetë së paku 18 vjeç.

“Kur e dimë nëse dikush është adoleshent (13-17 vjeç), ne i ofrojmë përvoja të përshtatshme për moshën, si për shembull parandalimi i kontakteve të padëshiruara dhe kufizimi i opsioneve”, tha Erica Finkle, drejtoreshë e qeverisjes së të dhënave në Meta.

Instagram tha se ka bashkëpunuar me Yoti, një kompani që është e specializuar në verifikimin e moshës në internet për të siguruar privatësinë e përdoruesve.

Lëvizja vjen pasi Instagram ndaloi fillimin e “Instagram Kids” vitin e kaluar, pasi mori kritika dhe kundërshtime për projektin.

LEXONI GJITHASHTU:

• Platforma në Instagram, eksperti Progni tregon sesi t’i kontrollojmë fëmijët
• Platforma e re në Instagram, prindërit mund të kontrollojnë fëmijët