Irani dënon Australinë për etiketimin e Gardës Revolucionare organizatë terroriste

Irani ka denuar vendimin e qeverisë australiane për të futur në listën e zezë Trupat e Gardës Revolucionare të Republikës Islamike, ushtrinë ideologjike të Republikës Islamike, pasi Canberra i akuzoi ata për kryerjen e sulmeve që synonin komunitetin hebre në Australi.

Këtë të enjte në një deklaratë, diplomacia australiane tha se qeveria e saj i kishte etiketuar Gardën si “sponsor shtetëror i terrorizmit”.

Ministrja e Jashtme Penny Wong akuzoi ushtrinë e Iranit për “orkestrimin e sulmeve që synonin komunitetin hebre të Australisë” në Sydney dhe Melbourne, pasi vlerësoi inteligjencën. Kryeministri australian Anthony Albanese kishte thënë në atë kohë se Irani ishte pas zjarrit në një kafene hebraike pranë Sydney në tetor 2024 dhe një sinagoge në Melbourne në dhjetor 2024, dy sulme që nuk shkaktuan viktima.

Në gusht, Teherani i kishte hedhur poshtë këto akuza. Në një deklaratë, diplomacia iraniane “dënoi fuqimisht” Australinë për “aktin ofendues dhe të pajustifikuar” dhe për “shkeljen e normave dhe standardeve ligjore ndërkombëtare në lidhje me sovranitetin kombëtar të shteteve”. Ministri i jashtëm iranian “shpreh indinjatën e tij për miratimin nga disa zyrtarë politikë australianë të politikës së dëmshme të regjimit izraelit që përhap gënjeshtra kundër Iranit”, thuhej në deklaratë.

Ndërkohë, në gusht, autoritetet australiane e shpallën ambasadorin iranian “persona non grata” dhe i dhanë atij dhe tre diplomatëve të tjerë iranianë shtatë ditë për t’u larguar nga vendi. Kanberra gjithashtu pezulloi aktivitetet e ambasadës së saj në Teheran dhe thirri ambasadorin e saj nga Irani.

Më 4 shtator, zëdhënësi i Ministrisë së Jashtme iraniane, Esmail Baghai, njoftoi largimin e ambasadorit australian dhe tha se Irani si pasojë e kësaj kishte kufizuar praninë diplomatike të Kanberrës në Teheran.

LEXONI GJITHASHTU:

• Irani ekzekuton të burgosurin e dënuar për abuzimin me dy gra në Semnani
• Irani kërkon ndihmë urgjente për luftimin e zjarrit