Ish-bankieri zviceran dënohet me gati 4 vjet burg

Ish-kreu i një banke në Zvicër është dënuar me gati 4 vite burg për disa akuza, përfshirë mashtrim.

Pierin Vincenz, 65 vjeç, ka përdorur kartat e kreditit të kompanisë për të paguar për klabe striptizmi, takime në Tinder, pushime dhe darka.

Për shkak të interesit publik për çështjen, gjyqi u zhvendos nga gjykata në Zyrih në pallat koncerti.

Vincenz, i cili ka qenë shef ekzekutiv i banke të nivelit të dytë pritet që ta apelojë vendimin.

Sipas prokurorëve, Vincenz, i cili një vit u shpall dhe bankieri i vitit në Zvicër, ka pasur disa vizita në klube striptizmi që nuk ishin në interes të bankës.

Faturat që në total shkojnë 214 mijë dollarë, ishin përfshirë në shpenzime të kompanisë, raporton ‘Reuters’.

Gjithashtu një pagesë në restorant ku takoi një grua të cilën e njohu në Tinder, ishte përshkruar si ‘intervistë pune’.