Ish-presidenti i Këshillit Evropian: Jemi në udhëkryq, marrëdhënia tradicionale transatlantike ka vdekur

Ish-Presidenti i Këshillit Evropian, Charles Michel ka deklaruar se beson që marrëdhënia tradicionale transatlantike “ka vdekur” dhe se Evropa do të duhet të kalojë nëpër një periudhë konfrontimi politik me SHBA-në.

 “Jemi në një udhëkryq”, tha Michel për CNN në Bruksel përpara një samiti të liderëve të BE-së që u thirr për të diskutuar kërcënimet e Presidentit Donald Trump kundër Groenlandës.

Samiti po vazhdon edhe pasi Trump tërhoqi kërcënimet e tij për tarifa kundër vendeve evropiane që kundërshtuan ambiciet e tij për Groenlandën dhe përjashtoi dje përdorimin e forcës ushtarake.

Michel tha se beson që udhëheqësit evropianë tani kanë nevojë për një qasje të re ndaj presidentit të SHBA-së.

“Në muajt e fundit, ajo që bëmë, mendoj se ishte një gabim. Ne kemi zgjedhur diplomacinë lajkatare. Prandaj vendosëm të qetësojmë Shtëpinë e Bardhë. Dhe cili është efekti? Efekti i vetëm është se nxit gjithnjë e më shumë ambicie dhe gjithnjë e më shumë përparim në retorikë. … Nuk funksionon.”

Ai gjithashtu u dha një mesazh udhëheqësve evropianë, duke thënë se duhet të jenë të fortë dhe të guximshëm. Michel pati edhe një mesazh për Shtëpinë e Bardhë ku u shpreh se duhet të respektojë Evropën.

“Mjaft, dhe ne jemi gati të përdorim mjetet që kemi në zotërim. Ne kemi shumë mjete, dhe tani është koha të na respektojnë”, tha ai.