Itali, shtrenjtimi i faturave të energjisë tkurr zbukurimet në qytete për festat

Nuk ka paqe për Krishtlindje. Në dy vitet e fundit, italianëve u është dashur të jetojnë me pandeminë gjatë pushimeve të Krishtlindjes, por ky supozohej të ishte viti i rilindjes, jo vetëm psikologjikisht, por edhe ekonomikisht.

Megjithatë, lufta në Ukrainë dhe kriza e rëndë e energjisë do të kenë një impakt tek Krishtlindja e këtij viti gjithashtu.

Shtrenjtimi i faturave të energjisë është bërë i papërballueshëm për shumë familje dhe biznese. Disa kryetarë bashkish kanë vendosur të heqin dorë nga zbukurimet e rrugëve në mënyrë që t’i ruajnë të ardhurat për ata që nuk mund të paguajnë faturat.

“Gjëja e parë nga e cila u tremba ishte fatura e energjisë së bashkisë sonë, e rritur 6-fish. Kjo është arsyeja përse nuk ndërmora iniciativa që mund t’i kushtonin gjithë qytetit, pasi qartazi kostoja e bashkisë reflektohet në kosto për qytetarët, në aspektin e shërbimeve dhe taksave”, tha Gianluca del Mastro, kryebashkiak i Pomiliano d’Arko.

Pomiliano d’Arko është një qytet me rreth 40 mijë banorë dhe është qendra e një prej vatrave më të rëndësishme industriale në jug të Italisë.Sinkron 2 Gianluca del Mastro, kryebashkiak i Pomiliano d’Arko:

“Shuma e parave që kemi lëvruar ishte 120 mijë euro. Në këto momente ne nuk e dimë se sa familje i janë bashkuar kësaj nisme, por besoj se do të jenë shumë. Parashikojmë që çdo familje të marrë nga 300 deri në 400 euro. Ky është një moment i rëndësishëm historik”, u shpreh del Mastro.

Në këtë periudhë të vitit, rrugët me dyqane janë të dekoruara me zbukurime dhe drita, por këtë vit ato janë të boshatisura. Vetëm dekorimet e dyqaneve nxisin shpirtin e Krishtlindjes. Me guxim, një babagjysh i vetmuar është ka ngjitur shkallët, si një ogur i mirë për vitin tjetër.

LEXONI GJITHASHTU

• Zelensky: Rikthehet energjia elektrike në Ukrainë për 6 milionë banorë
• ​Bundestagu gjerman miraton kufirin e çmimit për gazin dhe energjinë elektrike