Italia ka thyer vazhdimisht ligjet e BE mbi ndotjen e ajrit, deklaron Gjykata Europiane e Drejtësisë

Italia ka shkelur në “mënyrë të vazhdueshme dhe sistematike” rregullat e Bashkimit Europian mbi ndotjen e ajrit, shpalli të martën Gjykata Europiane e Drejtësisë (ECJ).

Gjykata më e lartë e BE tha se të dhënat tregojnë se Italia ka tejkaluar limitet ditore dhe ato vjetore në mënyrë të vazhdueshme.

Më tej, gjykata shtoi se Italia “kishte dështuar në përmbushjen e detyrimeve” në kuadër të direktivave të vitit 2008 mbi ndotjen e ajrit dhe se gjithashtu kishte “dështuar të merrte masa të posaçme për të siguruar që limitet vjetore të PM10 të shfaqeshin sa më pak” në zonat më të rrezikuara.

PM10 janë materie të përmasës 10 mikrometra ose më pak se një diametër – të cilat referohen edhe si grimca të imta.

Ato thithen nga mushkëritë për shkak të përmasave të tyre dhe mund të shkaktojnë pasoja serioze për shëndetin.

Agjencia Europiane e Mjedisit ka deklaruar se rreth 400 mijë vdekje të parakohshme vjetore në Europë kanë ardhur si pasojë e ndotjes së ajrit, duke e bërë këtë “riskun më të madh mjedisor për shëndetin” për gjithë kontinentin.

BE tashmë ka të drejtë që t’i vendosë gjobë Italisë.

Lexoni gjithashtu

• Arkitekti që kërkon të ndërtojë qytete me 1 milion pemë
• Studimi/ Shqipëria me numrin më të lartë të vdekjeve nga ndotja
• Një në tetë vdekje në Europë si pasojë e ndotjes së mjedisit