Situata nga COVID-19, turistët nga SHBA nuk lejohen të udhëtojnë në vendet e BE-së

11 turistë nga Shtetet e Bashkuara të Amerikës janë ndaluar të hyjnë në Itali, pasi mbërritën në 1 korrik në Sardenja me një avion privat.

Masa është rezultat i vendimit të marrë për të mos përfshirë Shtetet e Bashkuara në listën e vendeve, turistët e të cilëve lejohen të hyjnë në Bashkimin Evropian (BE) duke filluar nga 1 korriku. Sidoqoftë, turistë pohuan se ata ishin tashmë në fluturim kur i informuan për vendimin e unionit.

Pesë prej tyre nuk morën lejen për të hyrë në Itali, ndërsa të tjerët duhet të karantinohen për dy javë para se të vijojnë turnet në Itali.

Giorgio Palmucci, president i bordit kombëtar të turizmit italian, tha se nëse lejohen apo jo turistë nga disa vende të hyjnë në Itali varet nga performanca e këtyre vendeve në luftën kundër COVID-19.  Dhe Turistët nga SHBA mund të mos kenë mundësi të shkojnë në Itali këtë verë.

Italia është duke u përpjekur të tërheqë sa më shumë turistë, por duke ofruar siguri. Italia është një nga destinacionet më të njohura turistike në Evropë, por ne duhet të vendosim në plan të parë mbrojtjen e shëndetit publik.

Sipas statistikave nga Banka e Italisë, numri i përgjithshëm i turistëve amerikanë në Itali në vitin 2019 ishte 4.4 milionë, duke shpenzuar 5.5 miliardë euro.

Vlerësohet se të ardhurat e turizmit në Itali do të ulen me 1.8 miliardë euro për shkak të mungesës së turistëve amerikanë gjatë verës.

Edhe pse Shtetet e Bashkuara janë një nga burimet kryesore të turizmit evropian, situata shqetësuese nga pandemia ka frikësuar shtetet evropiane të mos lejojnë udhëtimet.