Izrael, dozë e tretë vaksine për qytetarët mbi 60-vjeç

Qeveria e Izraelit do t’u ofrojë qytetarëve mbi moshën 60-vjeç, të cilët tashmë janë të vaksinuar kundër COVID-19, një dozë të tretë.

Vendi po udhëheq botën në programin e tij të vaksinimit kundër koronavirusit dhe kryeministri Naftali Bennett njoftoi të enjten se kushdo mbi 60-vjeç që është vaksinuar më shumë se pesë muaj më parë, do të ketë të drejtë për të marrë dozën e tretë.

Kështu, Izraeli bëhet vendin i parë në botë që ofron një dozë të tretë të një vaksine perëndimore për qytetarët e tij.

“Realiteti dëshmon se vaksinat janë të sigurta. Realiteti gjithashtu dëshmon se vaksinat mbrojnë kundër sëmundjes dhe vdekjes së rëndë. Si vaksina e gripit që duhet të rinovohet herë pas here, është e njëjta gjë në këtë rast”, u shpreh kryeministri.

Bennett tha se presidenti i ri i vendit, Isaac Herzog, do të jetë i pari që do të marrë përforcuesin të premten.

SHBA-ja dhe BE-ja nuk kanë miratuar ende injektimet nxitëse të koronavirusit, pasi nuk është vërtetuar nëse një dozë e tretë ndihmon.

Deri më tani Izraeli ka përdorur vaksinën Pfizer/BioNtech për të vaksinuar popullsinë e tij.

LEXONI GJITHASHTU:

• Liderja e opozitës bjelloruse merr mbështetjen e Shtëpisë së Bardhë
• Burgoset rivali i Aleksander Lukashenkos në Bjellorusi
• Tokio, autoritetet të shqetësuara me shifrat rekord të COVID-19