Japonia ka ekzekutuar një 39-vjeçar që vrau shtatë persona në Tokio në vitin 2008 gjatë një sulmi me thikë, kanë raportuar mediat lokale.
Tomohiro Kato kreu një nga vrasjet masive më tronditëse në historinë e vendit, shkruan BBC.
Ai ishte 25 vjeç kur futi një kamion në një turmë këmbësorësh në kohën e drekës në zonën tregtare Akihabara, duke vrarë tre persona.
Më pas goditi kalimtarët me një thikë, duke vrarë katër dhe plagosur tetë.
25-vjeçari u kap nga policia në vendngjarje dhe më vonë pranoi krimet në gjyqin ndaj tij, duke thënë se ishte zemëruar nga bullizmi në internet.
Krimi ndezi shumë debate në shoqërinë japoneze në atë kohë mbi vrasjet e rastësishme, ndikimin në internet dhe dështimet në mbështetjen e shëndetit mendor për të rinjtë.
LEXONI GJITHASHTU:
- Vrasje masive në Johanesburg, 14 të vdekur nga sulmi me armë në një lokal
- Armët e bëra në shtëpi, një prej tyre vrau ish-kryeministrin japonez
