Javën e kaluar, mbi 90% e vdekjeve në Rumani ndodhën tek pacientët e pavaksinuar

Rumania ka raportuar një nivel rekord të ri të infektimeve me COVID-19, ndërkohë që procesi i vaksinimit në këtë vend është i ngadaltë.

Numri i infektimeve në shtetin anëtar të BE -së u rrit me 11.049 të martën, thanë autoritetet.

Ministria e Shëndetësisë konfirmoi se të paktën 208 persona kanë vdekur gjithashtu nga COVID-19 në 24 orët e fundit.

Që nga fillimi i pandemisë, Rumania ka regjistruar më shumë se 1.2 milionë raste të virusit.

Injektimi i ulët me vaksina në disa vende lindore të BE-së rrezikon rritje të shtrimeve nëpër spitale për shkak të variantit Delta, i cili është më i transmetueshëm.

Në Institutin e Pneumologjisë ‘Marius Nasta’ të Bukureshtit, mjeku Genoveva Cadar deklaroi se shtretërit pothuajse janë të zënë dhe rreth 98% e të gjithë pacientëve janë të pavaksinuar.

Të dhënat e qeverisë tregojnë se 91.5% e vdekjeve nga COVID-19 në Rumani midis 18 shtatorit dhe 23 shtatorit ishin njerëz që nuk ishin vaksinuar.

Rreth 72% e të rriturve në Bashkimin Evropian janë vaksinuar plotësisht, por vetëm 33% e të rriturve rumunë janë vaksinuar deri më tani.

Stella Kyriakides, komisionere e BE -së për shëndetin, tha se “hendeku shqetësues” në vaksinimet duhet të adresohet urgjentisht.

LEXONI GJITHASHTU:

• Franca lë pas pandeminë, qytetarët nisin të puthen sërish
• BE nuk jep garanci për anëtarësimin e 6 vendeve të Ballkanit Perëndimor
• Pasojat e ‘Brexit’, Mbretërisë së Bashkuar i mungojnë 150 mijë shoferë