Jemen: Shpërthim i fortë në aeroport, të paktën 16 të vdekur dhe 60 të lënduar

Një shpërthim i fortë në aeroportin e Jemenit të mërkurën ka lënë të paktën 16 të vdekur dhe 60 të lënduar.

Shpërthimi ndodhi pak pasi një avion, i cili mbante kabinetin e sapoformuar të qeverisë kishte zbarkuar në qytet.

Arsyeja e këtij shpërthimi nuk është bërë e qartë dhe deri më tani asnjë grupim nuk është akuzuar për këtë sulm.

Pamje nga vendi i ngjarjes tregojnë anëtarët e delegacionit qeveritar teksa zbresin nga aeroplani ndërsa shpërthimi trondit të gjithë vendin.

Askush në aeroplanin qeveritar nuk u lëndua, por shumë ministra u kthyen përsëri brenda aeroplanit ose vrapuan poshtë shkallëve për të kërkuar strehim.

Ministri i komunikimit në Jemen Naguib al-Awg, i cili ishte gjithashtu në aeroplanin qeveritar, i tha “Associated Press” se ai dëgjoi dy shpërthime.

Imazhet e shpërndara në mediat sociale nga vendi i ngjarjes treguan rrënoja dhe xhama të thyer të shpërndarë rreth ndërtesës së aeroportit.

Lexoni gjithashtu:

Si do e kalojë bota vitin e ri? Shtetrrethime dhe ndalim festimesh, fishekzjarrët s’do të lejohen

Zhvillimet politike të 2020-tës, protesta në Bjellorusi, helmimi i Navalny dhe koalicion pro serb në Mal të Zi

Argjentina legalizon abortin, i pari shtet në Amerikën Latine