Jo maska në ambientet e jashtme në Greqi, nga 28 qershori hiqet shtetrrethimi gjatë natës

Duke nisur nga dita e sotme në Greqi nuk është më e detyrueshme të mbash një maskë në ambientet e jashtme.

Mbajtja e saj mbetet e detyrueshme në hapësirat e brendshme dhe në vendet e mbipopulluara.

Situata epidemiologjike në shtetin fqinj është përmirësuar dhe shpresohet se do të vijojë të jetë e tillë.

Nga 28 qershori gjithashtu do të hiqet shtetrrethimi natën, ndërsa punonjësve të vaksinuar nuk do t’u kërkohet më të bëjnë testime.

Në restorante numri i njerëzve që lejohet të ulen në të njëjtën tryezë do të rritet në 10 dhe kufiri maksimal për ngjarje, siç janë dasmat do të rritet në 300.

Lehtësimi i masave vjen ndërkohë që shpresohet shumë tek sezoni i turizmit.

Greqia shpreson se muajt e verës do ta ndihmojnë që të rimëkëmbë ekonominë e gjunjëzuar nga pandemia.

LEXONI GJITHASHTU:

• Ambasadorja e Shqipërisë në Greqi: Kategoritë e udhëtimit kanë ndryshuar, kuotat kanë mbetur të njëjta
• Sot Greqia hap kufijtë me Shqipërinë, njofton ministria e Jashtme shqiptare
• “Fortifikohet” Greqia, ashpërson masat ndaj refugjatëve