Jo më teste COVID falas në Gjermani dhe Francë, do kushtojnë nga 15-20 euro

Nga dita e sotme në Gjermani testet e COVID-19 nuk do të jenë më falas.

Të gjithë ata qytetarë që nuk zgjedhin të vaksinohen do të duhet t’i paguajnë vetë testet e covid, çmimi i së cilit kushton nga 15-20 euro.

Kjo është një masë e ndërmarrë për të nxitur edhe më shumë vaksinimin e qytetarëve.

Një masë e ngjashme hyn në fuqi në Francë në 15 tetor, qoftë për testet PCR por edhe testin antigjen.

Rumania ndodhet në një gjendje kritike. Spitalet po përballen me një rritje të të infektuarve ndërsa varianti Delta ka përfshirë të gjithë vendin.

Koordinatori i Fushatës Kombëtare të Vaksinimit të vendit ka krahasuar situatën me atë të Italisë një vit më parë.

Një qytet në jugperëndim të Rumanisë-Drobeta-Turnu Severin është qyteti i parë i madh që hyri në bllokim në këtë valë të katërt të pandemisë.

Ndërkohë në Mbretërinë e Bashkuar, Shërbimi Kombëtar i Shëndetit me afrimin e dimrit po u bën thirrje njerëzve që të marrin një vaksinë kundër gripit.

Ekspertët kanë frikë se sëmundja e frymëmarrjes mund të shkaktojnë rritje të rasteve.

Kjo mund të nënkuptojë dy herë më shumë vdekje nga gripi sezonal sesa në një vit normal.

LEXONI GJITHASHTU:

• Partia e ekstremit të djathtë në Itali akuzohet për nxitje protestash të dhunshme
• Protesta masive kundër ‘Polexit’, polakët mbështesin BE-në
• Përmbytje në Greqi, fond emergjence prej 20 mln euro për ishullin Evia