Presidenti i zgjedhur demokrat, Joe Biden planifikon të emërojë veteranët e politikës së jashtme të SHBA, Wendy Sherman dhe Victoria Nuland si zyrtarët nr. 2 dhe nr. 3 në Departamentin e Shtetit.

Sherman, një negociator kryesor i marrëveshjes bërthamore të 2015 me Iranin, që presidenti republikan Donald Trump braktisi, do të caktohet për zv/sekretar i shtetit.

Ndërsa Nuland, e cila shërbeu si diplomate e lartë amerikane për Evropën, ambasadore e NATO-s dhe zëdhënëse e Departamentit të Shtetit, do të emërohet nënsekretare e shtetit për çështjet politike.

Nëse konfirmohen nga Senati, Sherman dhe Nuland do të shërbenin se bashku me  Antony Blinken, zgjedhja e Biden për sekretari shtet.