Kancelari austriak Kurz rrezikon braktisjen nga aleatët pas akuzave për korrupsion

Kancelari austriak, Sebastian Kurz po lufton për të shpëtuar postin e tij, pasi partneri më i ri i koalicionit, të Gjelbrit, ngritën dyshime mbi aftësinë e tij për të qeverisur, pas nisjes së hetimit nën dyshimin e korrupsionit.

Të tre partitë e opozitës kanë kërkuar dorëheqjen e Kurz dhe po përgatisin një votëbesim ndaj tij në Parlament, për të cilin u duhet mbështetja e të Gjelbërve për ta kaluar. Por dy nga tre partitë kanë deklaruar se nuk duan zgjedhje të parakohshme.

Vetë Kurz, që mohon çdo shkelje, ka deklaruar se është i pafajshëm derisa të provohet e kundërta dhe se ka vullnetin për të vijuar bashkëpunimin me të Gjelbrit.

“Linja politike e Partisë Popullore është e qartë: ne jemi zgjedhur dy herë në zgjedhje dhe kemi formuar një koalicion me të Gjelbrit. Ne i qëndrojmë këtij koalicioni, programit qeverisës dhe gjithçka për të cilat kemi rënë dakord. Nëse të Gjelbrit nuk duan ta vazhdojnë këtë bashkëpunim, por duan të kërkojnë mazhoranca të tjera, atëherë kjo duhet pranuar. Por ne jemi gati të vijojmë bashkëpunimin”, shprehet Kurz.

Të Gjelbrit, që bën fushatë për një politikë të pastër dhe bashkuan forcat me Kurz vitin e kaluar, deklaruan se kishin ftuar parti të tjera në Parlament për të diskutuar hapat e ardhshëm, pas nisjes së hetimit të prokurorisë.

LEXONI GJITHASHTU:

Kancelari austriak në hetim, Sebastian Kurz dyshohet për korrupsion

Kancelari Kurz nën hetim për dëshmi të rreme para Komisionit Parlamentar