Kancelarja Angela Merkel merr dozën e parë të vaksinës AstraZeneca

Kancelarja gjermane Angela Merkel ka marrë dozën e parë të vaksinës AstraZeneca gjatë së premtes, konfirmoi zëdhënësi i saj në Twitter.

“Jam shumë e lumtur që mora vaksinën e parë me AstraZeneca”, citohej Merkel në një postim në Twitter.

“Vaksinimi është parësor për të mposhtur pandeminë”, shtoi ajo.

Kanzlerin #Merkel: „Ich freue mich, dass ich heute die Erstimpfung mit AstraZeneca bekommen habe. Ich danke allen, die sich in der Impfkampagne engagieren – und allen, die sich impfen lassen. Das Impfen ist der Schlüssel, um die Pandemie zu überwinden.“ pic.twitter.com/P4kMJYNrlc

— Steffen Seibert (@RegSprecher) April 16, 2021

Agjencia rregullatore e vaksinave në Gjermani ka rekomanduar kufizimin e vaksinës së AstraZeneca për persona mbi moshën 60 vjeç duke i bërë referencë rasteve të rralla të mpiksjes së gjakut.

Dyshimet mbi sigurinë e vaksinës suedezo-britanike, ashtu si edhe asaj amerikane Johnson & Johnson, kanë cenuar besimin publik përballë këtyre dy vaksinave të cilat kanë edhe një çmim më të lirë ndërsa autoritetet kishin planifikuar që t’i përdornin në fushatat e imunizimit masiv.

Ministri i Financave Olaf Scholz u vaksinua gjithashtu me AstraZeneca.

“Gjithmonë kam thënë së do të vaksinohem kur të më vijë radha”, iu tha ministri gazetarëve pasi u vaksinua. “Sot është dita”.

Ndërsa Presidentja e Komisionit Europian, Ursula von der Leyen, mori të enjten dozën e prodhuar nga BioNTech dhe Pfizer.

Lexoni gjithashtu

• Vendet evropiane shprehin interes për të blerë vaksinat AstraZeneca të Danimarkës
• Në pritje të lehtësimeve nga kufizimet, Franca vijon vaksinimin me Johnson, Greqia do të heqë karantinën për udhëtaret
• 100 milionë vaksinime në Evropë, Von Der Leyen: 50 milionë doza të tjera nga Pfizer