Kancelarja Angela Merkel merr medaljen botërore për shëndetësinë

Kancelarja gjermane Angela Merkel përuroi të mërkurën në Berlin hapjen e një qendre të re inteligjence për epidemitë.

Kancelarja, në prani të drejtorit të përgjithshëm të OBSH-së Tedros Adhanom Ghebreyesus, u dekorua me medaljen botërore për shëndetësinë.

Në fjalën e saj në këtë ceremoni, Merkel deklaroi se në mbarë botën duhet bërë më shumë për të garantuar shëndetin e qytetarëve.

“Duhet të jemi më të përgatitur për pandemitë e së ardhmes. Të them të drejtën, unë nuk e prisja që një pandemi do të përfshinte Europën një ditë. Ne po punonim që ajo të mos e arrinte kontinentin tonë, por tani e përjetuam dhe duhet të nxjerrim mësime prej saj,” – tha kancelarja.

Chancellor Merkel’s legacy will be etched in the lives of people all over the 🌍 for years to come, who live healthier lives because of her work. Honoured to present her with the @WHO Global Leadership Award, in recognition of her outstanding contribution to global health. https://t.co/GB40JOzJ60

— Tedros Adhanom Ghebreyesus (@DrTedros) September 1, 2021

 Qendra e re do të shërbejë për mbledhjen e informacioneve mbi viruset dhe të dhënat më pas do të analizohen për t’u përdorur në luftën globale kundër pandemive.

Merkel u shpreh se Berlini është vendi i duhur për krijimin e një qendre të tillë dhe vlerësoi punën e spitaleve gjermane në luftën kundër COVID, si dhe institutin Robert Koch.

Qendrës do t’i jepen fillimisht 30 milionë euro financim, që do të shërbejë edhe si një pikënisje për mbështetjen e Gjermanisë ndaj Organizatës Botërore të Shëndetësisë.

LEXONI GJITHASHTU: 

• Kancelarja Angela Merkel vjen në Tiranë më 14 shtator
• S’ka prova se vaksinat anti-COVID ndikojnë në pjellori, sipas OBSH-së
• Njerëzit më të rrezikuar mund të marrin dozën e tretë të vaksinës, thotë OBSH