Kaos në aeroportet dhe hekurudhat evropiane, grevat komplikojnë udhëtimet e Krishtlindjes

Grevat e punonjësve të hekurudhave dhe aeroporteve evropiane këtë dimër po e komplikojnë udhëtimin gjatë pushimeve të Krishtlindjes. Fluturimet dhe trenat mund të vonohen ose të anulohen, duke shkaktuar rradhë të gjata dhe vonesa të shumta.

Në Londër, greva e trajtimit të bagazheve në aeroportin Luton u anulua pas një oferte më të mirë pagash, por Heathrow pritet të përballet me kaos gjatë Krishtlindjes, pasi stafi i kabinës së Scandinavian Airlines (SAS) do të bojkotojë më 24 dhe 26 dhjetor. Grevat lidhen me paga të ulëta që, sipas sindikatës Unite, kanë detyruar punonjësit të përdorin banka ushqimi gjatë udhëtimeve.

Po ashtu, punonjësit e partnerit të Ryanair në Spanjë, Azul Handling, kanë zhvilluar greva javore që nga vera për shkak të kushteve të punës, bonuseve dhe stabilitetit të vendit të punës. Grevat vazhdojnë deri më 31 dhjetor, duke ndikuar aeroportet kryesore spanjolle si Alicante, Barcelona, Madrid, Palma de Mallorca dhe të tjera.

Në Itali, pas një greve të koordinuar më 17 dhjetor, priten ndërprerje të tjera udhëtimesh në janar, përfshirë greva 4-orëshe të stafit të aeroportit dhe 24-orëshe të stafit të Swissport në Milano Linate. Në fund të janarit, fluturimet nga aeroporti i Veronës mund të preken nga greva e kontrollit të trafikut ajror.

Për më tepër, aplikimi i Sistemit të Ri të Hyrjes/Daljes së BE-së në kufij po shkakton vonesa të gjata në disa aeroporte, veçanërisht për udhëtarët jo-bashkëpunues nga vendet jashtë BE-së, ku regjistrimi i të dhënave biometrike mund të shkaktojë radhë deri në tre orë.

Udhëtarët këshillohen të kontrollojnë situatën e fluturimeve dhe trenave para udhëtimit, dhe të jenë të përgatitur për ndryshime të minutës së fundit, rimarrje biletash dhe kompensime.