Katalonja rrezikon thatësirë totale/ 3 diga janë në statusin e emergjencës

Katalonja po i afrohet një emergjence thatësire. Në Barcelonë, presioni i ujit tashmë është zvogëluar për të shmangur shkurtimet e furnizimit, dhe burimet e ujit të qytetit kanë mbetur bosh.

“Në Kataloni, ne kemi tashmë tre zona ujore në statusin e emergjencës që prej gushtit dhe shtatorit, por në këto momente ne po hyjmë në zonën me popullsinë më të lartë në rajon”- Anna Barnadas, Sekretare e Veprimit të Klimës, Qeveria e Katalonjës

Uji për konsum shtëpiak në Barcelonë është i garantuar. Megjithatë, përdorimi i tij do të kufizohet në 200 litra në ditë për banor në fazën e parë të emergjencës. Nëse asgjë nuk ndryshon, deri në qershor, uji në dispozicion mund të mos jetë i mjaftueshëm për të plotësuar kërkesat e konsumatoreve.

“Me përpjekjet që bëhen nga njerëzit në të gjithë sektorët dhe popullsinë individuale, ne kemi arritur të vonojmë pak statusin e emergjencës, dhe shpresojmë që të gjithë do të jenë të përgjegjshëm për vendin gjatë kësaj vështirësie”- Sekretare e Veprimit të Klimës, Qeveria e Katalonjës.

“Do të duhej të binte shi vazhdimisht për nëntëdhjetë ditë këtë pranverë për t’i dhënë fund situatës së thatësirës në Kataloni. Parashikohet një verë me kufizime. Në Barcelonë, ardhja e tre milion turistëve e ka kthyer situatën veçanërisht sfiduese”- Jaime Velázquez, Euronews.

Porti i Barcelonës po përgatit objektet e tij për të akomoduar anijet e cisternave për të furnizuar qytetin, por anijet e tjera janë një shqetësim, Kroçerat të cilat zbarkojnë mijëra turistë në qytet çdo ditë… Sipas vlerësimeve një pasagjer në anijet e lundrimit konsumon nga 200 deri në 400 litra ujë në ditë.

Por thatësira prek të gjithë pellgun e Mesdheut. Edhe në Andaluzia gjithashtu parashikohet një verë me kufizime të medha. Falë impianteve të shkripëzimit dhe objekteve të rigjenerimit të ujit, Katalonja ka arritur të ‘krijojë’ ujë për të mbuluar 60% të nevojave të zonës metropolitane. Vetëm një kulturë e re për përdorimin e ujit mund të garantojë furnizimin e ardhshëm. Sepse uji nuk bie nga qielli. Nga Bracelona, Jaime Velazquez, Euronews.

LEXONI GJITHASHTU: 

• Zv/kryeministrja e Kosovës: Statuti i Asociacionit, hapësirë për Republikë Serbe
• “Shqipërinë e kisha parë vetëm në hartë” Kolumbiani i dashuruar me serenatat korçare