Banka e Shqipërisë vlerëson se rritja e normave të interesit është reflektuar te rritja e këstit të kredive për qytetarët dhe bizneset, por thotë se rritja deri më tani nuk reflektohet në përkeqësim të performancës së tyre.
Guvernatori Gent Sejko foli në Komisionin e Ekonomisë në Kuvend për politikat monetare të bankës. Ai tha se norma bazë e interesave prej 2.75 për qind konsiderohet si normalizuese, ndërsa nuk përjashtoi mundësinë që shifra të rritet në 4, apo 5 për qind, që konsiderohet si politika shtrënguese monetare.
“Mund të shkojmë te niveli 4-5 për qind, nëse inflacioni do të vazhdojë të rritet”, u shpreh Sejko.
Efektet e politikës monetare të Bankës Qendrore ndjehen në gjysmën e tregut financiar, që operon me lekë. Pjesa tjetër që është në monedhë të huaj, kryesisht në euro është jashtë kontrollit të bankës.
Sasia e madhe e eurove në vend, sipas Guvernatorit Gent Sejko është nxitur nga tre faktorë.
‘Investimet e huaja direkte në ekonomi, remitancat mbi 1 mld euro në vit, janë në nivele të larta dhe të ardhurat nga turizmi në nivele të larta. Tre kanalet që kanë future fluks eurosh në Shqipëri’, u shpreh ai.
LEXONI GJITHASHTU:
- Kokaina në Durrës, pronari i ‘BanaKing’ i dërgoi shkresë autoriteteve për kontroll
- Lulëzon tregtia e bananes, milionat që fshihen në pjesën e padukshme të importeve
- Porti i ri i Durrësit, Balluku: Aktiviteti portual s’do ndërpritet gjatë punimeve
