Kievi në duart e ukrainasve, Zelenski tregon pasiguritë

Pasi trupat ukrainase rimorën zonat përreth Kievit, luftimet në zona të tilla si Irpin po dobësohen gradualisht.

Aeroporti ushtarak ukrainas në kryeqytet është dëmtuar rëndë. Autoritetet ukrainase kërkojnë kujdes përpara se të shpallin fitoren, por rajoni i Kievit gradualisht po kthehet në duart e Ukrainës.

Por, presidenti Zelenski nuk është i sigurt dhe pret një shtim të sulmeve në lindje. “Në lindje të vendit tonë situata mbetet shumë e vështirë. Trupat ruse po instalohen në Donbas, në drejtim të Kharkiv. Ata po përgatiten për sulme të reja të fuqishme. Ne po përgatitemi për mbrojtje edhe më aktive. Po përdorim të gjitha burimet, si të brendshme ashtu edhe të jashtme”, shprehet Zelenksi.

Presidentja e Parlamentit Evropian, ishte zyrtarja e parë e BE-së që shkeli në Ukrainë që nga shpërthimi i luftës. Ajo mbajti fjalim në parlament, i cili është ende funksional pavarësisht luftimeve.

“Unë jam këtu sot si përfaqësues i Parlamentit Evropian të Popujve të Evropës për t’ju thënë një gjë. Ne jemi me ju” theksoi Roberta Metsola.

Në Kharkiv gjurmët e luftës dallohen në çdo rrugë. Rusët kanë akuzuar Ukrainën se ka sulmuar një depo karburanti në territorin e tyre. Pala ukrainase nuk konfirmon dhe as mohon, por thotë se në çdo rast për këtë luftë faji  është i Rusisë.

LEXONI GJITHASHTU:

• BE thirrje Pekinit: Nëse nuk mbështesni paqen, mos u përzieni
• Rusia dhe Kina forcojnë bashkëpunimin për çështjet globale
• Astronautët rusë dhe amerikanë ‘harrojnë’ grindjet për konfliktin në Ukrainë