Kikia: Vendi i keq qeverisur dhe pa alternativë. Egro: Duhen rregulla loje për zgjedhje

Gazetarët, Mentor Kika dhe Franko Egro kanë komentuar zhvillimet më të fundit politike në vend dhe shembjen e godinës së Teatrit Kombëtar. Z. Kikia thotë se, Shqipëria ndodhet në një situatë mjaft të keqe politike pasi nga një anë kanë një keqqeverisje dhe nga ana tjetër nuk kanë një alternativë më të mirë.

“Për një shoqëri nuk ka më keq se sa momenti kur ka përpara një qeveri të keqe dhe nuk ka një alternativë. Nuk dua të zgjatem pse opozita nuk është më e pëlqyer, por janë të njëjtët persona qëu rrëzuan nga pushteti për të njëjtën arsye që duhen larguar dhe këta që janë. Opozitë gati pa busull”, tha z. Kikia.

Sipas tij mazhoranca qeverisëse është e rrezikshme pasi ka pushtet të pakufi dhe sipas tij “një popull nuk matet dot me forcën e një shteti në asnjë vend”.

Të dy gazetarët u shprehën se nuk shikojnë mundësinë e mbajtjes së zgjedhjeve të parakohshme. Z. Egro tha se, së pari duhen përcaktuar rregullat e lojës duke iu referuar përfundimit të reformës zgjedhore.

“Nuk e shikoj mundësinë e mbajtjes së zgjedhjeve të parakohshme. Zgjedhjet e reja nuk mund të ketë pasi ende nuk janë përcaktuar rregullat e reja të lojës”, deklaroi Franko Egro.