Kina miraton ligjin për të kundërshtuar sanksionet e huaja

Të enjten, Kina miratoi një ligj për të kundërshtuar sanksionet e huaja, duke iu përgjigjur presionit në rritje nga Shtetet e Bashkuara dhe Bashkimi Evropian mbi tregtinë dhe të drejtat e njeriut.

Pekini ka akuzuar SHBA për “goditje” ndaj kompanive kineze dhe kërcënim, pasi presidenti i SHBA-së Joe Biden javën e kaluar zgjeroi listën e kompanive të huaja në të cilat amerikanëve u ndalohet të investojnë në emër të sigurisë kombëtare.

Kundërmasat në ligjin kinez përfshijnë, mohimin e vizave, dëbimin, sekuestrimin dhe ngrirjen e pasurive të personave ose ndërmarrjeve që u përmbahen sanksioneve të huaja kundër ndërmarrjeve ose zyrtarëve kinezë, sipas tekstit të lëshuar nga Standing Komiteti i Kongresit Popullor Kombëtar, organi më i lartë legjislativ i Kinës.

Gjatë muajve të fundit, Biden ka shtuar kritikat ndaj Kinës, si për vjedhjen e pronës intelektuale dhe pretendimeve për abuzime të të drejtave të njeriut në Hong Kong dhe kundër pakicave myslimane në Xinjiang.

Lista e zezë e zgjeruar nga Shtëpia e Bardhë javën e kaluar përfshin 59 kompani kineze të akuzuara për mbështetjen e veprimtarive ushtarake të Pekinit.

LEXONI GJITHASHTU:

Kina dhe Tajvani përplasen për vaksinat, akuzojnë qeveritë për politizim të situatës

Kina ndryshon politikën e lindjeve, do t’u lejojë familjeve deri në tre fëmijë