Shkencëtarët kinezë po punojnë për vaksinat e bazuara në ARN

Vaksinat kineze “nuk kanë norma shumë të larta mbrojtjeje”, tha drejtori i Qendrës Kineze për Kontrollin e Sëmundjeve, Gao Fu, në një konferencë të shtunën në qytetin jugperëndimor të Chengdu.

Pekini ka shpërndarë qindra miliona doza jashtë, ndërkohë që përpiqet të nxisë dyshime në lidhje me efektivitetin e vaksinës Pfizer-BioNTech, e cila është bërë duke përdorur procesin e mëparshëm eksperimentues të ARN-së.

“Tani është nën shqyrtim zyrtar nëse duhet të përdorim vaksina të ndryshme nga linja të ndryshme teknike për procesin e imunizimit”, u shpreh Gao.

Zyrtarët në një konferencë shtypi të dielën nuk iu përgjigjën drejtpërdrejt pyetjeve në lidhje me komentin e Gaos ose ndryshimeve të mundshme në planet zyrtare.

Por, një tjetër zyrtar i Qendrës Kineze për Kontrollin e Sëmundjeve tha që shkencëtarët po punojnë për vaksinat e bazuara në ARN.

Ekspertët thonë se përzierja e vaksinave mund të rrisë efektivitetin.

Studiuesit në Britani të Madhe po studiojnë një kombinim të mundshëm të Pfizer-BioNTech dhe vaksinës tradicionale AstraZeneca.

Efektiviteti i një vaksine Sinovac në parandalimin e infeksioneve simptomatike u zbulua të ishte deri në 50.4% nga studiuesit në Brazil, afër pragut 50% në të cilin ekspertët e shëndetit thonë se një vaksinë është e dobishme.

Vaksina Pfizer-BioNTech është cilësuar si efektive deri në 97%.

Një zëdhënës i Sinovac, Liu Peicheng, pranoi se janë gjetur nivele të ndryshme të efektivitetit, por tha se kjo mund të jetë për shkak të moshës së njerëzve në një studim, llojit të virusit dhe faktorëve të tjerë.

Kina ka administruar 164.4 milionë doza të vaksinës së saj brenda vendit.

Dy prodhuesit e saj shtetërorë të ilaçeve, Sinovac dhe Sinopharm, kanë eksportuar doza në 22 vende duke përfshirë Meksikën, Turqinë, Indonezinë, Hungarinë, Brazilin dhe Turqinë, sipas ministrisë së Jashtme.

Lexoni gjithashtu:

Pasaportat e imunizimit, nisin të aplikohen në disa shtete, hapen debatet nëse diskriminojnë

Mali i Zi siguron vaksina nga Kina, pas dhurimit nga Serbia pritet të mbërrijnë 30 mijë doza të Sinovac