Klodian Tomorri: Me ARMO-n, shteti paguan detyrimet dhe privati merr fitimet   

Qeveria duhet të hetojë dhe të nxjerrë përpara përgjegjësisë ligjore kompanitë që kanë lënë pa paga punonjësit e rafinerisë së Ballshit.

“Unë nuk e di nëse privati ka pasur para apo jo, por di që kur qeveria merr përsipër faturën e pagave atëherë minimalisht duhet të fillojë ndjekjen për të nxjerrë para përgjegjësisë ligjore ata që e kanë shfrytëzuar dhe i lanë punonjësit pa paguar. Shteti merr përsipër detyrimet, privati fitime”, tha Klodian Tomorri për emisionin “Me pak Fjalë”, të martën, në Euronews Albania.

Ai e kritikoi vendimin e qeverisë duke u shprehur se “shteti nuk paguan rrogë për njerëz që nuk punojnë. Shteti paguan pagesën e papunësisë”.