Koreja e Veriut lëshoi disa raketa balistike, duke përfshirë një raketë që ndezi sirenat paralajmëruese në pjesë të Japonisë qendrore dhe veriore, tha sot Tokio.
Zyrtarët në Korenë e Jugut dhe Japoni thanë se raketa mund të ketë qenë një raketë balistike ndërkontinentale, një armë me rreze të gjatë, e projektuar për të transportuar një kokë bërthamore në anën tjetër të planetit, raporton Reuters.
Qeveria e Japonisë fillimisht njoftoi se raketa kishte fluturuar mbi territorin e vendit, gjë që më pas u mohua.
Ministri japonez i Mbrojtjes, Yasukazu Hamada, tha se qeveria humbi raketën nga radari mbi Detin e Japonisë, ndërsa zyrtarët e Koresë së Jugut thanë se raketa balistike ndërkontinentale kishte bërë një “fluturim të pasuksesshëm”, njoftoi agjencia e lajmeve Yonhap.