Koreja e Veriut mohon furnizimin me armë të Rusisë

Koreja e Veriut thotë se nuk i ka shitur kurrë armë Rusisë dhe nuk ka plane ta bëjë këtë në të ardhmen, pas raporteve të SHBA se Moska po i drejtohej Phenianit për të rimbushur rezervat.

Zyrtarët amerikanë thanë më herët se Rusia mund të blejë raketa dhe predha artilerie nga Koreja e Veriut, shkruan BBC.

Ata thanë se lëvizje të tilla, së bashku me blerjet e supozuara të armëve iraniane, treguan se sanksionet perëndimore po pengonin përpjekjet e Rusisë në luftën në Ukrainë.

Moska i mohoi raportet në atë kohë.

Çdo lëvizje armësh midis dy vendeve do të ishte në kundërshtim me sanksionet e Kombeve të Bashkuara.

Të enjten, në një deklaratë të transmetuar nga media shtetërore e Koresë së Veriut KCNA, një zyrtar i paidentifikuar në ministrinë e mbrojtjes së Koresë së Veriut tha: “Ne kurrë nuk kemi eksportuar armë ose municione në Rusi më parë dhe nuk do të planifikojmë t’i eksportojmë ato”.

Ajo akuzoi SHBA-në dhe “forcat e tjera armiqësore” për përhapjen e thashethemeve për “të ndjekur qëllimet e saj bazë politike dhe ushtarake”.

LEXONI GJITHASHTU:

• Guterres për ligjin e sulmeve bërthamore: Koreja e Veriut të negociojë për paqe
• Kritiku i Vladimir Putinit i shpëton atentatit me snajper