Koretë shkëpusin lidhjet, Veriu rrit retorikën ndaj Jugut

Korea e Veriut ka deklaruar se do të ndërpresë të gjitha linjat e komunikimit me atë të Jugut, përfshirë atë që lidh liderët e dy vendeve.

Paralajmërimi ka ardhur teksa lideri i Veriut, Kim Jong Un ka përshkallëzuar presionin ndaj Seulit për dështimin në ndaljen e aktivistëve që shpërndajnë fletëpalosje në kufi.

Peniani deklaroi se ky ishte i pari i një seri hapash ndaj Jugut, duke e cilësuar fqinjin një “armik”.

Telefonatat ditore, që bëheshin përmes një zyre kontakti të vendosur në qytetin kufitar të Veriut, Kaesong, do të pushojnë duke filluar nga e marta.

Dy shtetet i ngritën zyrat për të reduktuar tensionet pas bisedimeve të vitit 2018.

Korea e Veriut dhe ajo e Jugut teknikisht janë ende në luftë për shkak se mes tyre nuk është arritur një marrëveshje paqeje kur lufta koreane përfundoi në vitin 1953.

Në muajt e fundit, Peniani ka pezulluar bashkëpunimin me Korenë e Jugut, ndërsa negociatat për çarmatosjen bërthamore me Shtetet e Bashkuara kanë mbetur të bllokuara.

Një nga pikat kyçe që ka çuar në bllokimin e marrëdhënieve diplomatike me Shteteve të Bashkuara është bërë refuzimi i Uashingtonit për të hequr disa nga sanksionet e vendosura për kufizimin e kapaciteteve bërthamore.