Kosova dhe Maqedonia e Veriut në heshtje zgjedhore

Dita e shtunë është heshtje zgjedhore në Kosovë dhe Maqedoninë e Veriut, ndërsa të dielën, qytetarët do të votojnë në zgjedhjet lokale për kryetarët e rinj të komunave.

1.885.448 persona kanë të drejtën e votës në Kosovë, ndërsa 41,012 të rinjë do të votojnë për herë të parë.

Komisioni Qendror i Zgjedhjeve ka nisur punën për shpërndarjen e materialeve kryesore zgjedhore në 38 komuna, e shoqëruar gjithashtu nga Policia e Kosovës.

1.824.864 persona në Maqedoninë e Veriut kanë të drejtën e votës

Gjatë ditës së sotme në RMV do të votojnë 1899 të burgosur, 351 persona në shtëpitë e pleqve dhe 6 të shpërngulur të brendshëm. Po ashtu pritet të votojnë edhe 7.921 persona të sëmurë dhe të pafuqishëm, si dhe 476 persona në izolim ose persona që janë diagnostikuar me Covid-19.

Maqedonia e Veriut zhvillon këtë të dielë raundin e parë të zgjehdjeve vendore. Në të do të zgjidhen 80 kryetarët e rinj të komunave dhe kryebashkiaku i Shkupit.

Në garë janë 303 kandidatë për kryetarë dhe 567 këshilltarë komunalë. Që të shpallët fitues një kandidat duhet të fitojë 50% të votave.

Nëse asnjë prej tyre nuk e kap këtë shifër, kalohet në votimet e raundit të dytë për atë komunë ku garojnë vetëm 2 kandidatët me numrin më të madh të votave. Raundi i dytë do të mbahet në 31 tetor.