Kremlini: Forcat ukrainase duhet të tërhiqen nga Donbasi

Kremlini ka përsëritur qëndrimin e tij se largimi i forcave ukrainase nga Donbasi mbetet një kusht thelbësor për Moskën. Zëdhënësi i Kremlinit, Dmitry Peskov, deklaroi se Rusia nuk do të heqë dorë nga kjo kërkesë, duke e cilësuar rajonin si një nga pikat më të ndjeshme të përplasjes me Kievin.

“Forcat e armatosura ukrainase duhet të largohen nga territori i Donbasit dhe të tërhiqen prej andej. Ky është një kusht shumë i rëndësishëm,” tha Peskov, sipas agjencisë shtetërore ruse të lajmeve TASS.

Ai shtoi se ekzistojnë edhe “nuanca të tjera” që lidhen me procesin, ndërsa sot priten bisedime trepalëshe mes përfaqësuesve të Rusisë, Ukrainës dhe Shteteve të Bashkuara. Donbasi mbetet një nga çështjet kyçe që vazhdon të pengojë përparimin drejt një zgjidhjeje diplomatike të konfliktit.