Kreu i OBSH: COVID-19 nuk do të jetë pandemia e fundit në botë

“COVID-19 nuk do të jetë pandemia e fundit që do njohë bota, por duhet të investojmë në përgatitjen e kapaciteteve tona për t’u përballur me pandemi të tilla” kështu është shprehur të shtunën drejtori i përgjithshëm i Organizatës Botërore të Shëndetësisë, Tedros Adhanom Ghebreyesus.

Deklarata e Tedros erdhi gjatë një fjalimi virtual që shënoi për herë të parë Ditën Ndërkombëtare të Gatishmërisë për Epideminë, e cila do të mbahet çdo vit nga Asambleja e Përgjithshme e Kombeve të Bashkuara.   

Today is the first ever International Day of Epidemic Preparedness. In the past 12 months, lives and livelihoods have been turned upside down by #COVID19. But over the years @WHO and our partners have warned that the world is not prepared for a pandemic.pic.twitter.com/lZiUD41S3U

— Tedros Adhanom Ghebreyesus (@DrTedros) December 27, 2020

Gjatë fjalës së tij, kreu i OBSH tha se “COVID-19 ka çoroditur botën” duke lënë “pasoja afatgjata për shoqëritë dhe ekonomitë e vendeve”, duke shtuar se bota duhet të mësojë nga mësimet e së shkuarës duke qenë më të përgatitur.

“Çdo përpjekje për të përmirësuar shëndetësinë do të dështojë nëse nuk adresohet pika kritike që bashkon humanët dhe kafshët, si dhe krizën ekzistenciale të ndryshimeve klimatike që po e bën tokën gjithmonë e më pak të banueshme. Historia na ka treguar se kjo nuk do të jetë pandemia e fundit e se epidemitë janë fakt i jetës. Por investimet në shëndetin publik, me mbështetjen e të gjithë qeverive dhe shoqërive për një qasje të përbashkët për shëndetin (One Health), mund të garantojnë që fëmijët tanë dhe fëmijët e tyre të trashëgojnë një botë më të sigurt dhe më të qëndrueshme”, tha Tedros.

Sipas OBSH, qasja “One Health” synon to ndërtojë dhe implementojë programe, politika, legjislacione dhe hulumtime për përmirësimin e komunikimit midis një sërë sektorësh për arritje më të mëdha për shëndetësinë.   

Lexoni gjithashtu

• Evropa nis vaksinimin, në Itali, Spanjë, Gjermani dhe Austri bëhen injeksionet e para
• SHBA pranë kolapsit, refuzimi i Trump për draftin anti-COVID rrezikon ekonominë
• Bota izolon Britaninë, qetëson OBSH: Lloji i ri i virusit pjesë normale e evolucionit të pandemisë