Krijohet roboti që injekton spermën, kontrollohet me Playstation

Teknologjia, sikurse po bëhet e pabesueshme dhe gati e frikshme…

Një zhvillim i fundit, tronditës është ai i një roboti injektues të spermës. Ai kontrollohet me një levë PlayStation, dhe ia doli të fekondojë me sukses vezët e njeriut, duke rezultuar në dy fëmijë të shëndetshëm.

Sipas një raporti nga “MIT Technology Review” një nga inxhinierët në startupin spanjoll “Overture Life” dhe i përfshirë në zhvillimin e robotit të parë inseminues në fushën e mjekësisë së fertilitetit ka arritur të perfeksionojë këtë procedurë. Studiuesi drejtoi me sukses një gjilpërë të vogël të mekanizuar gjatë procedurave të fertilizimit in vitro (IVF) duke përdorur levat e krijuara nga Sony për PlayStation 5.

Falë kësaj teknike, qelizat e spermës u depozituan me kujdes në disa vezë njerëzore disa herë. Sipas ekipit, procedurat rezultuan në embrione të shëndetshme, të cilat çuan në lindjen e dy vajzave. Ato janë individët e parë të lindur pas procesit të fekondimit me ndihmën e teknologjisë së automatizuar.

Startapi “Overture Life” ka marrë 37 milionë dollarë nga kompanitë që kanë vendosur të investojnë në këtë teknologji. Sipas tyre pajisja shënoi përfundimisht hapin e parë drejt automatizimit të fekondimit in vitro dhe potencialisht do ta bëjë procedurën shumë më pak të kushtueshme dhe shumë më të zakonshme se aktualisht.

LEXONI GJITHASHTU:

• “‘Makina e së vërtetës’ kushton 50-60 mijë euro”,-eksperti: Ja kush mund ta blejë…
• Sulm me armë zjarri pranë një spitali në SHBA, një viktimë e disa të plagosur