Kriza politike në Itali, orët vendimtare për kryeministrin Conte, sot përballet me Dhomën e Ulët

Një javë vendimtare nis për qeverinë dhe për fatin e vetë kryeministrit italian Giuseppe Conte.

Pas largimit nga koalicioni i dy ministrave të partisë “Viva Italia” të Matto Renzi, Conte përballet sot me Dhomën e Ulët dhe nesër me Senatin ku do të duhet të kërkojë besimin e ligjvënësve për të  vijuar qeverisjen.

Skenarët e mundshëm, përveç një mazhorancë absolute të arritur në minutën e fundit, janë dorëheqja e kryeministrit aktual.

Së dyti Presidenti i Republikës  Mattarella mund të hapë konsultime me grupet kryesore parlamentare, për formimin e një ekzekutivi të ri, të kryesuar nga një kryeministër tjetër.

Në këtë rast, nuk përjashtohet mundësia e një qeverie të re të unitetit kombëtar ose teknik.

Emri i Mario Draghi, ish-numri një i Bankës Qendrore Evropiane, cilësohet kandidati  më i përshtatshmi për të marrë drejtimin e qeverisë.

Pajtimi mes Renzit dhe Conte deri në këto momente duket i pamundur.

Skenari i fundit, ai që është më i frikshmi në mes të një krize shëndetësore, por që opozita e mbështet, është mbajtja e zgjedhjeve në qershor.

Lexoni gjithashtu:

Renzi tërhiqet nga koalicioni, qeveria italiane në krizë

Qeveria italiane në krizë, gazetari Arbër Agalliu: Vështirë që të mbahen zgjedhje të parakohshme