Kryeministrat e Spanjës dhe Danimarkës në Kiev, takim me Zelenskin

Të enjten, kryeministrat e Spanjës dhe Danimarkës mbërritën në Kiev për t’u takuar me presidentin ukrainas Volodymyr Zelenski.

Pas mbërritjes në kryeqytetin ukrainas, kryeministri spanjoll Pedro Sanchez dhe kryeministrja daneze Mette Frederiksen u shfaqën së bashku në një video të shkurtër të postuar në Twitter nga llogaria zyrtare e Sanchez.

“Ukraina ka mbështetjen, solidaritetin dhe angazhimin e Spanjës”, u shprehën krerët e qeverive europiane.

“Ata do të takohen për të diskutuar për situatën aktuale në Ukrainë, mbështetjen e mëtejshme për ukrainasit dhe ndjekjen penale të krimeve të luftës dhe shkeljeve të të drejtave të njeriut në lidhje me pushtimin rus”, tha zyra e Frederiksen në një deklaratë.

Sanchez njoftoi në fillim të kësaj jave se Spanja do të rihapë ambasadën e saj në Kiev në ditët në vijim, të cilën e kishte mbyllur menjëherë pas pushtimit rus të Ukrainës në fund të shkurtit.

Rusia ka mohuar akuzat për krime lufte dhe pretendon se forcat e saj nuk synojnë civilët, por raportortimet nga terreni tregojnë të kundërtën.

LEXONI GJITHASHTU:

• ‘Kundërshtarët të mendohen 2 herë’, Putin teston raketën balistike, reagon SHBA
• Bllokohen evakuimet në Mariuopol, ukrainasit të gatshëm të bisedojnë me Rusinë
• Putin: Rusia do të arrijë objektivat në Donbas