Kryeministri Babis favorit për të fituar zgjedhjet në Çeki

Qytetarët në Çeki do të votojnë sot për zgjedhjet e përgjithshme parlamentare.

Një garë e ngushtë mes partive politike, por sipas sondazheve është partia qeverisëse e kryeministrit Babis, ajo e cila pritet të fitojë me shumë pak pikë përqindje.

Kryeministri Andrej Babis është duke kërkuar një mandat të dytë pavarësisht kritikave se ai keqmenaxhoi pandeminë, rriti borxhin kombëtar dhe ndoqi interesat e tij të biznesit.

Madje emri i i tij u përmend edhe në dokumentet e ‘Pandora Papers’.

Sondazhet e opinionit e vendosin partinë populiste ANO të Babis vetëm disa pikë përqindje përpara secilit prej dy grupeve kryesore të opozitës që janë zotuar të punojnë së bashku për ta rrëzuar atë.

Kryeministri Babis është themeluesi i perandorisë Agrofert të ushqimit, bujqësisë, kimikateve dhe medias, e cila punëson më shumë se 30.000 njerëz në Evropën qendrore.

Babis ndoshta në këto zgjedhje do të marrë goditjen e parë në formimin e një qeverie, por mund ta ketë të vështirë të gjejë partnerë koalicioni.

LEXONI GJITHASHTU:

• Portugalia ndalon me ligj paragjykimet për dhurimin e gjakut nga personat LGBTI
• Kryebashkiaku i Budapestit braktis garën kundër Orban