Kryeministri i Austrisë dorëhiqet pas akuzave për korrupsion

Kryeministri i Austrisë, Sebastian Kurz ka lajmëruar dorëheqjen pas akuzave për korrupsion.

Kurz ka deklaruar se do të japë dorëheqjen në përpjekje për të shmangur krizën qeveritare pas nisjes së hetimit për korrupsion ndaj tij.

35-vjeçari ka propozuar që ministri i Jashtëm, AlexanderSchallenberg të jetë zëvendësuesi i tij. Ndërsa ai vetë planifikon të bëhet kryetari i grupit parlamentar për Partinë Popullore të Austrisë.

Partia ka dalë në mbështetje të tij edhe pas nisjes së hetimeve, por një prej partnerëve të koalicionit, Të Gjelbërit kanë shprehur qëndrimin se Kurz nuk mund të qëndrojë kancelar dhe kanë kërkuar zëvendësimin e tij.

Nga ana tjetër liderët e opozitës kanë largimin e Kurz dhe planifikohet që të kërkojnë mocion mosbesimi ndaj tij në martën në Parlament.

Sebastian Kurz është bërë subjekt i një hetimi, nën dyshimin e ryshfetit dhe shkeljes së rregullave financiare.

Hetimi nis prej vitit 2016 kur Kurz ishte ministër i Jashtëm dhe po kërkonte të zgjidhej lider i partisë.

Tabloidi “Oesterreich” që është në qendër të hetimit ka mohuar të ketë marrë para për reklama në këmbim të publikimit të sondazhit.

Hetuesit thonë se ka dyshime se prej 2016 deri në 2018 fonde të Ministrisë së Financave janë përdorur për të manipuluar sondazhe të publikuara në këtë gazetë.

Sebastian Kurz u zgjodh lideri i OVP në maj 2017 dhe drejtoi partinë e tij në fitoren e zgjedhjeve një vit më pas.