Kryeministri i Sllovakisë jep dorëheqjen pas skandalit me vaksinat ruse Sputnik V

Kryeministri i Sllovakisë Igor Matoviç i ka dorëzuar zyrtarisht dorëheqjen presidentes së vendit pas krizës politike në vend.

Të dielën kryeministri Matoviç njoftoi se do të tërhiqej nga posti i tij pas një skandali si pasojë e zbulimit të një marrëveshjeje për të blerë vaksinën ruse Sputik V të coronavirusit.

Kriza shpërtheu pasi u zbulua një marrëveshje sekrete që përfshinte blerjen e 2 milionë dozave të vaksinës ruse.

Sllovakia është një anëtare e Bashkimit Europian, dhe unioni ende nuk e ka autorizuar përdorimin e vaksinës Sputik V për shtetet anëtare, megjithatë Igor Matoviç, mbrojti blerjen e vaksinës, duke thënë se kjo do të përshpejtonte programin e vaksinimit në një nga vendet më të goditura në BE.

Të paktën gjashtë anëtarë të kabinetit tashmë kishin dhënë dorëheqjen nga postet e tyre.

Matoviç më herët kishte propozuar ndërrimin e posteve me ministrin e financave, por qeveria tha të martën se ai ishte “tërhequr nga kërkesat e tij”.

Qeveria sllovake konfirmoi se presidentja sllovake e kishte pranuar dorëheqjen e kryeministrit Matoviç.

“Presidentja Çaputová do të pranojë dorëheqjen e Kryeministrit Igor Matović,” lexonte deklarata.

Lexoni gjithashtu:

• Dyshime për manipulim të statistikave të pandemisë në Siçili, tre të arrestuar
• Protestë kundër kufizimeve, me mijëra qytetarë rumunë kundërshtojnë rivendosjen e masave izoluese
• Italia planifikon të vendosë karantinë pesë-ditorë për udhëtarët nga BE