Kryetari i Unionit të Turizmit në Kosovë: Shpresojmë që pushuesit të zgjedhin Shqipërinë

Me rritjen e temperaturave është shtuar ndjeshëm numri i pushuesve, që zgjedhin bregdetin shqiptar për të kaluar momente çlodhëse.

Këtë vit, Shqipëria ka parashikuar një sezon turistik më të çliruar për vetë faktin se epidemia e COVID-19 është stabiluzuar, ndërsa shpresa e sketorit është fokusuar kryesisht tek pushuesit nga Kosova.

Kryetari i Unionit të Turizmit të Kosovës, Baki Hoti tha në “Ilva Now” se numri i shqiptarëve të Kosovës, që do zgjedhin të pushojnë në bregdetin e Jonit dhe Adriatikut, do jetë goxha i lartë.

“Shpresojmë që edhe gjatë këtij viti qytetarët në Kosovës të vizitojnë Shqipërinë. Ne jemi partnerët me unionit të turizmit të Shqipërisë dhe ne kemi marrëveshje bashkëpunimi dhe në kuadër të kësaj marrëveshje kemi organizuar aktivitete”, tha ai.

Ai pohoi se shqiptarët e Kosovës nuk zgjedhin Shqipërinë thjesht për turizëm ujor, por edhe për turizmin kulturor.

“Qëllimi i këtyre aktiviteteve ka qenë thellimi i bashkëpunimit dhe të shikohet mundësia të kemi një paketë të përbashkët turizmi. Ka pasur një fluks të shqiptarëve që e kanë vizituar në Kosovë. Grupet tona janë duke punuar dhe kanë përpiluar paketa që do të shkojnë…Kosovarët nuk po lëvizin vetëm për turizëm ujor, por edhe për turizëm kulturor”, tha Baki Hoti.

LEXONI GJITHASHTU:

• Zv/ministrja Çuçi: Testet e shpejta në qendrat shëndetësore të bregdetit, një nga masat për turizmin
• Taksat dhe masat kufizuese shqetësojnë sektorin e turizmit përpara sezonit veror
• Ekspertja e turizmit: Kanë nisur të vijnë turistët e parë nga Ukraina dhe Polonia
• Tatyana Bajraktari: Një çift turistësh të huaj shpenzon rreth 800 euro në javë në Shqipëri
• Ermal Sulaj: Shqipëria duhet të përqendrohet më tepër te turizmi malor