Çdo 4 minuta, rreth 1,000 foshnja lindin në të gjithë globin. Por nga cilat shtete kanë më shumë gjasa të vijnë statistikisht këto foshnje?
Duke përdorur të dhëna nga CIA World Factbook, kjo grafikë e ndërtuar nga Pratap Vardhan, paraqet një pamje demografike të popullsisë globale, duke treguar se cilat vende kanë më shumë gjasa të mirëpresin 1,000 foshnjat e ardhshme bazuar në vlerësimet mbi popullsinë dhe normat e lindjeve për vitin 2022.
1.000 foshnjat e ardhshme, sipas shtetit
Duke marrë parasysh se India ka një popullsi prej afro 1.4 miliardë banorësh, nuk është e habitshme që ajo të renditet e para në listë.
Nga çdo 1.000 foshnja të lindura, ky vend në Azinë Jugore përbën afërsisht 172 prej tyre.
Vlen të përmendet se, ndërsa India renditet në vendin e parë në listë, shkalla e lindjeve në vend (që është numri i përgjithshëm i lindjeve në vit për 1000 banorë) është në fakt pak më poshtë mesatares globale, në 16.8 krahasuar me 17.7 përkatësisht.
Kina, e cila vjen e dyta në listë, është e ngjashme me Indinë, me një popullsi të lartë, por gjithashtu me normë relativisht të ulët të lindjeve. Nga ana tjetër, Nigeria, e cila renditet e treta në listë, ka një normë lindjeje që është gati dyfishi i mesatares globale, në 34.2.
Shteti | Rajoni | Lindjet për çdo 1.000 bebe në botë |
India | Azia | 171.62 nga 1.000 |
Kina | Azia | 102.84 nga 1.000 |
Nigeria | Afrika | 56.50 nga 1.000 |
Pakistan | Azia | 47.23 nga 1.000 |
Republika Demokratike e
Kongos |
Afrika | 31.90 nga 1.000 |
Indonezia | Azia | 31.20 nga 1.000 |
SHBA | Amerika | 30.42 nga 1.000 |
Etiopi | Afrika | 25.44 nga 1.000 |
Brazil | Amerika Latine | 22.27 nga 1.000 |
Bangladesh | Azia | 21.52 nga 1.000 |
Pse niveli i lindjeve në Nigeri është kaq i lartë?
Ka disa faktorë, por një arsye kryesore është fakti se ekonomia e Nigerisë është ende në zhvillim dhe renditet e 131-ta globalisht për sa i përket PBB-së për frymë. Për më tepër, qasja në arsim për gratë nuk është ende aq e përhapur sa do të duhej të ishte, dhe studimet tregojnë se kjo është e lidhur ngushtë me normat e larta të lindjeve.
LEXONI GJITHASHTU:
- STUDIMI: Pelenat përmbajnë kimikate, rrezikohet shëndeti i 90% të foshnjave
- Bebet e para të vitit 2022, 12 djem dhe 2 vajza