Kush janë shqiptarët që ekzekutuan romin e plagosën bashkatdhetarin

Viktor Gala 37vjeç dhe Andi Beqiri 23 vjeç, janë dy shqiptarët e arrestuar pasi akuzohen për vrasjen e një të riu rom në Greqi.

Mediat greke, bëjnë me dije se arrestimi i tyre u bë pas një kontrolli rutinë, ndërsa në bagazhin e makinës me të cilën po udhëtonin u gjetën dy kallashnikovë dhe një thikë ushtarake.

Shqiptarët e arrestuar nuk ishin emra të panjohur për policinë pasi më parë janë akuzuar për vjedhje dhe trafik droge.

Para autoriteteve kanë pranuar se kishin marrë pjesë në një ekzekutim dhe një plagosje.

Autor i ekzekutimit të 30-vjeçarit rom si edhe i plagosjes së shtetasit shqiptar, ka qenë Viktor Gala 37 vjeç, ndërsa i arrestuari tjetër Andi Beqiri 23 vjeç, është bashkëpunëtor i autorit në disa grabitje të armatosura, raportojnë mediat greke.

Ekzekutimi i 30 vjeçarit rom ndodhi në 31 korrik ndërsa plagosja e shqiptarit 37 vjeç në 15 qershor.

Mësohet se shkaku i krimeve ka qenë prishja e pazareve të drogës. Dy të arrestuarit u dërguan në gjykatë dhe gjatë orëve në vazhdim pritet masa e sigurisë për ta.

LEXONI GJITHASHTU: 

• Me 7 kg drogë në makinë, arrestohet shqiptari në Itali. Detaji që e tradhtoi
• Çmontohet rrjeti i krimit të organizuar, sekuestrohen 4 mln euro e qindra kg drogë
• Sekuestrohen mallra të kontrabanduara, në pranga 59 vjeçari në Tiranë