Lavrov: SHBA dhe NATO po bëjnë gjithçka të shkatërrojnë Rusinë

Shtetet e Bashkuara dhe aleatët e saj të NATO-s së bashku me Ukrainën duan të mposhtin Rusinë “në fushën e betejës” në mënyrë që ta shkatërrojnë atë, tha ministri i Jashtëm rus Sergei Lavrov.

Lavrov i bëri komentet e tij të hënën për agjencinë shtetërore të lajmeve TASS, ku theksoi se qëllimi i SHBA-ve është shkatërrimi i Rusisë.

“Veprimet nga perëndimi kolektiv dhe kukulla e tyre, konfirmojnë natyrën globale të krizës ukrainase. Nuk është sekret se qëllimi strategjik i SHBA-së dhe aleatëve të saj në NATO është të fitojnë mbi Rusinë në fushën e betejës. Si një mekanizëm për dobësimin apo edhe shkatërrimin e vendit tonë”, tha Lavrov.

“Kundërshtarët tanë do të bëjnë gjithçka për të arritur këtë qëllim,” shtoi ai.

LEXO GJITHASHTU: 

• Ukraina pritet ta kërkojë përjashtimin e Rusisë nga Këshilli i Sigurimit
• Rusia mund të sulmojë Moldavinë, zyrtarët: Synon bashkimin me Transnistrinë