Lehtësimi i masave nga coronavirus rikthen emigrantët në dyert e Europës

Gjatë majit, shifra e emigrantëve që kanë trokitur në dyert e Europës ishin pesëfish më të larta se ato të muajit të shkuar, teksa kontinenti ka nisur të lehtësojë masat e të rihapë kufijtë.

Frontex, Agjencia Europiane e Rojeve Bregdetare dhe Kufirit, tha të hënën se kishte regjistruar mbi 4 mijë kalime të jashtëligjshme, krahasuar me 900 në prill, shifra më e ulët që kur nisi të numërimi i tyre për herë të parë në 2009.

Deri më tani, 31.600 persona kanë hyrë në Europë në mënyrë të jashtëligjshme, një rënie me 6 për qind nga e njëjta periudhë në 2009.

Prej të cilëve, rreth 12 mijë kanë mbërritur përmes së ashtuquajturës “Rrugës Mesdhetare Lindore” nga ujërat e Turqisë  në Greqi. Pjesa më e madhe e atyre që mbërrijnë në Turqi janë nga Afganistani, sipas  të dhënave të publikuara nga Frontex.

Gjatë fundjavës, një anije me disa dhjetëra emigrantë u përmbyt në Mesdhe, dhjetëra persona u shpallën të humbur ndërkohë që për shumë të tjerë mendohej se ishin mbytur në brigjet e Libisë.

Organizata Ndërkombëtare për Migracionin deklaroi në mars se mbi 20 mijë emigrantë kanë humbur jetën duke u përpjekur të kalojnë Mesdheun që nga 2014.