Liban, 72 të vdekur, mbi 80.000 të zhvendosur nga sulmet izraelite ndaj Hezbollahut

Sulmet izraelite ndaj Libanit kanë vrarë 72 persona dhe kanë zhvendosur më shumë se 83,000 të tjerë që nga fillimi i luftimeve të reja midis Izraelit dhe Hezbollahut. 

Në një deklaratë, Ministria libaneze e Shëndetësisë tha se “numri i viktimave të agresionit izraelit që nga agimi i së hënës ka arritur në 72 të vdekur dhe 437 të plagosur”, ndërsa Ministri i Çështjeve Sociale njoftoi se numri i personave të zhvendosur zyrtarisht është 83,847.

Hezbollahu tha sot se luftëtarët e tij shpërthyen një pajisje shpërthyese dhe u përleshën me forcat izraelite pranë qytetit Hiam, në Libanin jugor.

Hezbollahu pretendoi se luftimet nisën pas shpërthimit dhe pretendoi se pati viktima midis trupave izraelite, duke shtuar se përleshjet po vazhdojnë.