Lideri i parë me ngjyrë në Europë, kush është kryeministri që po shkruan historinë

Vaughan Gething do të bëhet kryeministri i ardhshëm i Uellsit pasi fitoi garën për lidershipin e laburistëve.

Sipas mediave të huaja, ai mundi rivalin e tij të vetëm, ministrin e arsimit Jeremy Miles, për të pasuar Mark Drakeford pas një beteje tre-mujore për udhëheqjen e Laburistëve të Uellsit.

Gething, 50 vjeç, do të bëhet gjithashtu njeriu i parë me ngjyrë që do të mbajë postin dhe lideri i parë me ngjyrë i çdo vendi evropian.

Ai pritet të konfirmohet si kryeministër i vendit të mërkurën kur do të mbahet një votim në Senedd.

Ai do të pasojë Mark Drakeford, i cili ka mbajtur këtë pozicion që nga viti 2018.

Gething mundi rivalin e tij të vetëm, ministrin e arsimit Jeremy Miles, duke fituar 51.7% të votave.

Pas shpalljes së rezultatit në një sallë leksionesh në Universitetin e Kardifit, zoti Gething tha: “Sot, ne kthejmë një faqe në librin e historisë së kombit tonë. Një histori që e shkruajmë së bashku”.

Udhëheqësi i Laburistëve në Mbretërinë e Bashkuar Sir Keir Starmer përshëndeti zgjedhjen e zotit Gething si “një moment historik që flet për përparimin dhe vlerat e Uellsit të ditëve të sotme”.

LEXONI GJITHASHTU:

• PE padi ndaj Komisionit Europian, shkak 10.2 miliardë eurot për Hungarinë
• Parlamenti Europian miraton rregulloren për Inteligjencën Artificiale