Ligji i ri për bizneset, garanci sovrane dhe financim për ndërmarrjet e vogla dhe të mesme

Shqipëria është ndër të vetmet shtete, bashkë me Kosovën e Bosnjë Hercegovinën, ku nuk është dhënë asnjë mbështetje financiare direkte në formën e granteve për kërkime dhe zhvillim, të cilat ndikojnë në nxitjen e ekonomisë dhe rritjen e punësimit.

Por një projektligj i hartuar nga Ministria e Financave, synon zhvillimin, njëkohësisht edhe rimëkëmbjen e bizneseve që pësuan goditje nga pandemia.

Projektligji mundëson krijimin e një kuadri ligjor dhe institucional më të plotë, i cili iu përgjigjet nevojave të ndërmarrjeve mikro, të vogla dhe të mesme.

Masat mbështetëse do të shkojnë për të gjitha ndërmarrjet, pavarësisht sektorëve ku operojnë.

Konkretisht, ndihmat janë kanalizuar në tre forma, mbështetje financiare nga buxheti i shtetit, mbështetje financiare nga donatorët vendas apo të huaj dhe garanci shtetërore të huasë, sipas ligjit në fuqi.

Përmes këtij stimulimi, parashikohet që të arrihen një sërë objektivash që lidhen me rritjen e numrit të bizneseve dhe punësimit.

Sipas strukturës dhe numrit të të punësuarve, Shqipëria regjistroi gjatë vitit 2020, 166 mijë ndërmarrje, ose 2000 më shumë se në vitin 2019.

LEXONI GJITHASHTU:

• Eksperti i ekonomisë, Stringa propozon disa hapa për përmirësimin e situatës ekonomike në vend
• Shqipëria e fundit në Europë për konsumin dhe të ardhurat për frymë, thotë Eurostat
• Raporti i Eurostat: Vendet ku njerëzit nuk ia lejuan dot vetes të ngrohnin shtëpitë