Linja e komunikimit SHBA-Rusi është përdorur një herë që nga fillimi i luftës 

Një linjë komunikimi e krijuar për të parandaluar përleshjet për situatën në Ukrainë midis ushtrive amerikane dhe ruse në fillim të luftës është përdorur deri më tani vetëm një herë.

Deklarata u tha të hënën nga një zyrtar amerikan i paidentifikuar për Reuters.

Zyrtari, i cili kërkoi të mos përmendet emri, tha se SHBA-ja kishte nisur thirrjen përmes linjës së komunikimit për të komunikuar shqetësimet e saj në lidhje me operacionet ushtarake ruse pranë infrastrukturës kritike në Ukrainë.

Pak detaje dihen për incidentin specifik që çoi në thirrjen përmes linjës që lidh Komandën Evropiane të Ushtrisë Amerikane dhe Qendrën e Komandës së Mbrojtjes Kombëtare Ruse.

Zyrtari nuk pranoi të specifikonte se kur u bë thirrja, por tha se nuk ishte kur një raketë e humbur ra mbi Poloninë anëtare të NATO-s më 15 nëntor, duke vrarë dy persona.

Kjo linjë komunikimi është vetëm një nga disa mënyra që komunikojnë ushtritë amerikane dhe ruse.

LEXONI GJITHASHTU:

• Princi William dhe Princesha Kate drejt SHBA-së, hera e parë në 8 vjet 
• Rusia shtyn bisedimet për inspektimin e armëve bërthamore