Liverpool jashtë UNESCO-s, shkak projekti i ri urban

Qyteti britanik Liverpool nuk do të jetë pjesë e trashëgimisë botërore të UNESCO-s.

Liverpool-it iu hoq ky status sepse ndërtesat e reja nga projekti i ri urban dëmtojnë bukurinë e stilit arkitektonik viktorian.

Qyteti britanik u cilësua nga UNESCO si trashëgimi botërore në vitin 2004.

Ky është qyteti i lindjes së grupit të famshëm Beatles, i cili u vendos në listën e trashëgimisë në njohje të rolit të tij si një nga portet më të rëndësishme të botës gjatë shekujve 18 dhe 19 dhe për bukurinë arkitektonike.

Autoritetet angeleze janë paralajmëruar që nga viti 2012 se ky qytet mund të hiqej nga lista, pasi sipas UNESCO-s planet për banesa dhe zyra do të shkatërronin pamjen e qytetit.

Kryetarja e bashkisë së qytetit tha se vendimi është “i pakuptueshëm” dhe se do të bisedojë me qeverinë britanike për të vlerësuar nëse mund të apelojë vendimin.

LEXONI GJITHASHTU:

• Macron në listën e zyrtarëve të përgjuar nga programi ‘Pegasus’
• Çfarë është programi “Pegasus” dhe si mund të përgjojë telefonat?
• Investigimi: Gazetarëve dhe aktivistëve u përgjohen celularët për llogari të regjimeve autoritare