“Luftë deri në fund”, Pence për Trump: Do vazhdojë ta bëjë Amerikën të madhe

Presidenti amerikan Donald Trump do të vazhdojë betejën e tij në lidhje me zgjedhjet e 3 nëntorit. Kështu ka deklaruar zëvendës presidenti në detyrë i Shteteve të Bashkuara, Mike Pence në një miting elektoral në shtetin e Georgia-s.

“Do të vazhdojmë të luftojmë derisa çdo votë e ligjshme të jetë numëruar dhe çdo votë e paligjshme të jetë hedhur poshtë. Ne do të vazhdojmë ta bëjmë Amerikën të madhe”, deklaroi Pence.

Ndërsa ka akuzuar demokratët se do të ulin shpenzimet ushtarake dhe do të rrisin taksat, numri dy i Shtëpisë së Bardhë ka shtuar se, administrata aktuale do të vijojë të luftojë për presidentin dhe republikanët e Shteteve të Bashkuara.